எல்லா இளைஞர்களைப் போலவும்
அவர்களும் கனவுகள் கண்டார்கள்
புகழைப் பற்றியும் காதலையும் அதிகாரத்தையும்
எல்லா இளைஞர்களைப் போலவும்
அவர்களும் நம்பிக்கை வைத்தார்கள்
வாழ்வின் பொன்னான வேளை குறித்து
மற்ற எல்லோரையும் போலவே அவர்களும் கண்டார்கள்
நீர்க்குமிழிகள் போல காற்றில் மிதந்து
தம் கனவுகள் சிதறிப் போனதை
எதுவுமே நடவாதது போல
இப்போது
இங்கு வாழவும் கற்றுக் கொண்டார்கள்.
The Book of American Negro Poetry, Edited with Prefaces and Critical notes by James Weldon Johnson, Harcourt Brace Javonovich, 1959.
ஜியார்ஜியா டக்ளஸ் ஜான்சன் ஃஆர்லெம் மறுமலர்ச்சிக் காலத்தின் (1919 – 40) தலைசிறந்த பெண் கவிஞர்களுள் ஒருவராகக் கருதப்பட்டவர். இவருடைய முதல் கவிதைத் தொகுதி The Heart of a Woman 1912 – ல் வெளியானது. நல்ல வரவேற்பைப் பெற்றபொதிலும், இனப் பிரச்சினையின்பால் கவனம் செலுத்தவில்லை என்பதற்காக விமர்சிக்கப்பட்டது. Bronze: A Book of Verse என்ற தொகுப்பில் முழுக்க முழுக்க இனப் பிரச்சினை குறித்த கவிதைகளைத் தந்து இந்தக் குற்றச்சாட்டுகளுக்கு முற்றுப்புள்ளி வைத்தார். என்றபோதிலும், பொதுவில் இவரது ஆர்வங்கள் காதல், வாழ்வு குறித்த உணர்ச்சிமயமான, ஏக்கம் நிறைந்த குறிப்புகளாகவே இருந்தன.
கவிதாசரண் ஜனவரி – பிப்ரவரி 2004
வினையான தொகை 
மறுமொழியொன்றை இடுங்கள்